Saturday, December 22, 2007


BAWRA BINDAS BANJARA

GEET

Kya puta mera likhogo ?
dhoop se tum poochh lena.
gard gubran zindugi hai.
dhool se sub
poochh lena.
ghar basana chahti awaragi ek umra se hai.
aur samjhauta safar se ho chuka
ek umra se hai.
thum gaye jo paanv, aayi neend awara.
bawra bindas banjara.
00000
ek bheegi raat me jub, jul na payeen theein lakadiyan.
bhookh sulgi thi dhuan hokar chubane ko antariyan.
aur saari raat choolha bhi tha awara.
bawra bindas banjara.
00000
tun kahe tum saath chal do, mun kahe tum thhaanw thahro.
zid kare bachchon sa mun , tum manjula ke gaon thahro.
mun hai gomukh, tun hua bhageerathi dhara.
bawra bindas banjara.
00000
ho safar aasan, gur saman upne saath kum ho.
tootne, khone, bichhurne, chhootne ka bhi na gum ho.
ek tinuka bojh jeevan ho guya sara.
bawra bindas banjara.
00000


2 comments:

A+ said...

Excellent rendering. It’d be more attractive if you write in Hindi text.

-- Ajit Majhola.

SATYENDRASHALABH said...

thank u sir aage se hindi me
shalabh